博客 / 鄭承隆

2016-03-02


大學教育資助委員會於2015年9月11日通過香港教育學院正名為大學。2016年1月26日,行政長官會同行政會議批准向教院授予大學名銜,政府隨後於2016年2月19日《2016年香港教育學院(修訂)條例草案》(http://www.legco.gov.hk/yr15-16/chinese/bills/b201602191.pdf) 刊憲,今天(3月2日)提交立法會首讀,新校名為「香港教育大學」及「The Education University of Hong Kong」條例草案需經立法會三讀通過後才能生效。


根據立法會現時情況,拉布已經嚴重影響會議進度,如果《2016年香港教育學院(修訂)條例草案》未能於本屆立法會休會前三讀通過,意味着本屆教育學院的畢業生將不能以「正名」後的「香港教育大學」校名印在畢業證書之上,有年青人同我講 " I don't give a shit!" 佢話學識同學位我已經攞到手,是否「正名」為大學分別不大,唯一唔希望嘅就係「梁振英」依個名喺我張畢業證書上邊出現!更有學生發起「強力反對梁振英出任校監,否則我們不要變成教育大學」的群組討論。


係,聽起嚟你的確係有型,唔想見到梁振英個名出現於你畢業證書,就寧願唔「正名」。我想問嘅係,現時教院校監係鄭承隆定盧海鵬?以我所知,教院校監咪又係梁振英,「正名」與否「梁振英」依名都會出現喺你畢業證書上邊!咁拗咩呢?!


再者,你唔介意是否大學畢業,你父母介意嗎?中產家庭,父母為口奔波,為的係希望子女可以喺大學畢業,唔係什麼大專學院畢業!需要釐清嘅事實係,學生日後做研究或外出升學,其他機構只會留意你畢業院校嘅等級,而唔會理會一個虛銜嘅職位由邊一個人擔任!


我認為身為教院學生的你又或者係關心教院學生嘅你,應該行出嚟,向代你發聲的尊貴立法會議員講明,「正名」為大學比修例改校監更重要!切勿被拉布影響修例!


我同意大學校監是否由特首出任,日後可以檢討,如果社會廣泛認為需要改變,修例就應該支持。無論如何,都應該先通過三讀比本屆教院嘅畢業生喺「教育大學」名正言順地畢業,政客想借題發揮都係搵過其他題目好啲。


**博客文責自負,不代表堅料網立場**

其他鄭承隆文章

其他博客文章