娛聞 / 名人

2017年01月19

2017-01-12

Coffee及吳日言皆是首次主持兩性關係節目。

(堅訊)奇妙電視兩性節目《吾男吾女》舉行開鏡儀式,林芊妤(Coffee)以主持身份出席活動。Coffee直認並非清純少女,向來講起兩性話題都較放。她會否穿性感睡衣氹男友?Coffee聽錯要她於節目上穿睡衣,及後大爆男友鍾意自己「唔着衫」,她說:「節目着睡衣要加錢,今日已經好性感。我問過佢想我着咩色底衫,佢答我冇所謂,話我唔着好睇啲!」

曾發生「廁所Gathering」事件的她被問會否分享舊事?Coffee說:「會直接講,都過咗去,可能會提及曾經遇過賤男,好彩依家男朋友咁好。」Coffee自爆日前與男友吵架,主動致電前男友傾心事問意見,結果令現任男友不快,她說:「我氹番佢,佢原諒我,叫我下次唔好講大話。我對佢加咗分,由一百分變成一百零幾分!」

相關新聞

熱門新聞