娛聞 / 名人

2017-01-27

青春無敵又擁36F豐滿身材的19歲女主角鄧月平(Larine)做賣點。
最吸晴莫過於Larin解去泳衣top裸背暢泳、玩空中瑜伽等場面。
港產賀歲片《小男人週記3之吾家有喜》已經上畫。

(堅訊)明天是大年初一,港產賀歲片《小男人週記3之吾家有喜》已隆重上畫。片中除了旦哥鄭丹瑞和周秀娜的話題性戀情外,還有張繼聰和蝦頭楊詩敏在廚房「橄欖」偷情的爆笑一幕,這場戲po上facebook後,總hit rate超過一百萬,阿聰被蝦頭搽油時high叫「橄欖舒服嘅?」更被網民指為年度最正對白。


日前電影公司在facebook發佈了由林海峰(林狗)主唱的《小3》MV《你你你引致我震盪》,以青春無敵又擁36F豐滿身材的19歲女主角鄧月平(Larine)做賣點,加上林狗特色演譯陳秀雯80年代經典歌《震盪》,同場加映Larine、娜姐、談善言着兔女郎裝跳鋼管舞,搭「兔先生」蔡瀚億(BabyJohn)和旦哥舞獅頭,同大家搞笑賀雞年。


MV主要為《小3》拍攝幕後爆笑花絮,包括近日熱爆網上的「橄欖」偷情,配以林海峰全新包裝的精準填詞,有齊旦哥當年歌曲《那夜我替女兒R背脊》、電影片名「吾家有喜」等元素,堪稱為旦哥及Larine這對戲中父女度身訂做。當中最吸晴莫過於Larin解去泳衣top裸背暢泳、玩空中瑜伽、在「爹哋」旦哥面前跳鋼管舞甚至擝bra等場面,小姐大大玩解放,你你你引致我震盪。樂而不淫,充滿歡樂氣氛。


旦哥表示:「我一直都想同林海峰合作,因為大家都係來自電台。唔怕認叻講句,如果我鄭丹瑞係八十年代嘅legend,軟硬或者林海峰一定係九十年代啦,我成日都好希望大家有機會有一次crossover,既然呢次係我自把自為,咁我就自己打電話俾佢,我話我好想你為《小男人》寫一首歌,我會掟上網,希望可以一來借住佢嘅力量,可以將呢件事比較young啲,實情就係咁。我掟咗個劇本俾佢,佢二話不說就寫咗呢首歌。我完全係放手俾佢去諗,你冇得guide住佢添,你guide住佢仲衰,佢亦都唔會聽你講。所以我一講完,佢ok咗之後,我就等佢呢首歌出嚟。」

相關新聞

熱門新聞