娛樂

2018-08-22

無綫電視新一代男神余德丞(Dickson)於本月初踢波時昏迷被送入瑪麗醫院深切治療部,情況一度危殆,幸經過一番搶救,終於脫離危險期。昨日他透過Big Big Channel首度開腔報平安,亦更新社交網站貼文,感謝大家支持。


昨日,Dickson透過Big Big Channel首度開腔錄音報平安。他表示:「HELLO!我係Dickson,咁多位大家好,我覺得我今次真係好好彩,非常之感恩,非常之開心,今次可以大步檻過醒得番,再同你哋講嘢,衷心多謝全香港每一位嘅關心、問候、祝福同集氣,令我能夠醒得番!所以,真係好衷心咁多謝你哋。當我醒番之後先知道原來件事幾嚴重,因為我昏迷時候,原來個心都停咗一段幾長嘅時間,所以能夠企得番身,同大家傾偈真係好好彩,依家我慢慢康復,精神都好咗多好多,講嘢都清楚咗,當然,醫生都建議要留院多一段時間, check清楚身體係咪ok先可以出院。」他又感謝瑪麗醫院的醫護人員及家人朋友,希望可以早日出院與大家見面,有新消息會再通知大家。


另外,Dickson亦於甦醒後首度更新IG貼文,感謝全香港,感謝每一位的關心、支持和祝福。他更表示,「希望可以快啲出院食餐好同飲珍珠奶茶。」

相關新聞

熱門新聞

Kinliuent AD 728 x 90