堅料

2018年11月19

2018-11-09

美食車先導計劃是前任財政司司長曾俊華在2015年財政預算案中公布的新措施,指「香港有不少地方適合設立露天食肆,讓旅客一邊享受美食,一邊欣賞香港景色」,遂研究將外地流行的美食車引入本港。不過,計劃卻將美食車定位為旅遊項目,為香港的旅遊景點曾添趣味和活力為宗旨,提升及豐富香港的餐飲選擇,而非與現有食肆競爭。


計劃於2016年3月接受申請,當時共吸引到192人申請,經評審委員會評審計劃書,以及透過烹飪挑戰賽選拔後,最後選出16位營運者。但在申領牌照期間,成功入圍的「華星冰室」及「小甜谷」基於商業考慮為由,先後退出計劃。去年2月3日計劃正式推出後,於5月底才投入營運的「Creative Yummy」,經營短短5個月後,亦於去年10月退出計劃。連同後補的兩部美食車,至今共有15部美食車仍在營業。


香港美食車聯盟主席林瑞華認為,雖然計劃是上屆政府訂下,但項目最大失敗原因,是個別現任官員處理政策取向問題:「邱騰華(商務及經濟發展局局長)係公務員出身,梗係要做啲好大喜功嘅嘢,淨係理大灣區同一帶一路,攞compliment吖嘛;但蘇錦樑(前商經局局長)係商界出身,有政黨背景,就會着重民生多啲;而曾俊華雖然propose呢個計劃出嚟,但從參選(特首)至今都已經無提過啦。」


「有得餃」負責人廖震豪則形容:「政府換屆後,我哋就好似一班孤兒仔咁無人理。」廖震豪認為,前商務及經濟發展局局長蘇錦樑在計劃推出後,除了不時探訪及打氣外,更會聯絡外國採訪隊到場訪問作宣傳,但林鄭上場後,邱騰華即表明「無暇抽身去美食車項目」,其後經飲食界立法會議員張宇人協助下,邱騰華才跟他們開過一次會聽取意見。


「佢係完全唔明白美食車個做法,佢無睇過呢個項目嘅嘢,我哋提出嘅意見佢否決晒,我覺得上屆政府遣留落嚟嘅產物,去到今屆好似特登擺低唔理。」

上屆政府的商務及經濟發展局局長蘇錦樑(右二)在美食車先導計劃開幕當日試食招牌菜式。(互聯網)


錯誤定性為旅遊項目

對於將計劃定為旅遊項目,林瑞華及廖震豪都認為是完全錯誤。林瑞華批評,旅發局不少大型活動未有安排美食車參與:「又話我哋係推廣旅遊,啲大型活動又唔預我哋,好似Wine & Dine(香港美酒佳餚巡禮)咁;放煙花嗰陣又封咗尖沙咀,將我哋泊到無雷公咁遠,總之諸多限制。」


廖震豪亦批評政府一意孤行將美食車納入旅遊項目:「其實我哋係一個有牌流動食肆,點解唔放寬啲?有好多活動係限時嘅,就算你話和合石,清明、重陽我都願去架,因為嗰度無嘢食吖嘛;甚至沙灘、流星雨、行山地區等等,我哋都可以大派用場。」


相關圖文:

曾俊華蘇州屎   15部美食車全部無錢賺


相關新聞

熱門新聞