堅料

2018年12月18

2018-12-07

校內師弟、師妹向保齡神童索取簽名。
謝晉軒說,為了應付與師兄們同場,需求助於心理醫生。
謝晉軒是應屆文憑試考生,希望能入讀大學的體育系。

「夥伴學校計劃令我可以一路keep住做運動員,亦都可以讀到書,呢個計劃係好嘅!」現年18歲的第三代「保齡神童」謝晉軒,去年首次參與大型運動會「阿什哈巴德2017亞洲室內暨武術運動會」,便力壓師兄胡兆康和麥卓賢奪得銅牌而嶄露頭角,今年首次出戰亞運,便在男子六人賽奪得銀牌,表現出色。


謝晉軒由小學開始便參與學界保齡球賽,之後加入港隊,至中二開始便不時外出參加青少年比賽,直至升讀中四時,便出現學業和運動的人生交叉點:「我未參加呢個計劃嗰陣,都係要喺學業同埋運動兩個揀一個,嗰時我係Form 4,啱啱揀完科,要做選擇嘅時候,就有呢個計劃出現咗。」他指,計劃因對全職運動員支援充足,可讓他們放心去比賽和練習,爭取到好成績,又可跟上學業進度。


亞運後求助心理醫生

他認為,政府應在這方面加強協助青少年運動員,例如在資源上可增多些學校加入計劃,令到更多青少年運動員可以在學業與運動雙線發展:「可以吸引到更加多喺運動方面嘅人才,喺青少年要選擇嘅時候俾到意見佢,令到佢可以兩邊一齊兼顧到,可以有更多人才幫我哋香港爭光!」作為應屆中學文憑試考生的他,期望能夠讀浸會大學或中文大學體育系,繼續雙線發展。


但揹着「保齡神童」之名,壓力可大?謝晉軒認為,「神童」之名是外界對自己的認同,而壓力則是來自自己:「覺得有呢個名,要打得更好去證明我真係得嘅。」他憶述,去年在亞室運首次與胡兆康和麥卓賢出戰隊制賽,便因太緊張而表現欠佳:「嗰個比賽有好多勁人,佢哋(胡兆康和麥卓賢)又係自己由細睇到大,而家竟然同佢哋同場競爭,自己亦是第一次出戰咁大型嘅比賽,所以係有好多唔同壓力喺我身上。」


他指,完成亞室運比賽返港後,便向心理醫生求助如何再次應付與師兄們同場的情況:「之後就一直預備呢個心理,去到亞運就係覺得自己可以同佢哋同場而又做番隊友時,反而無咗嗰種壓力,而係大家都諗同一樣嘢,就係我哋要贏!」


相關內容:

【獎牌搖籃1】停課不停學 訓練無顧慮 林大輝學生 奪8面亞運獎牌

【獎牌搖籃2】為教育闖新路 為精英撒種子 林大輝:運動發展政府有責

【獎牌搖籃4】自幼充滿運動細胞 「劍擊花美男」崔浩然 報讀林大輝決定正確

【獎牌搖籃5】運動設施齊備 四成學生校隊成員


相關新聞

熱門新聞