堅料

2018年12月18

2018-12-07

崔浩然小學三年班便開始接觸劍擊,一直獲得家人支持。(中新社)

「做運動員一定有唔同方面嘅犧牲,我嗰陣時讀林大輝嘅時候,學校會話你請假去打,最多返到嚟補考或者補課,所以我哋可以唔使擔心因為學校唔畀而去唔到一啲重要嘅比賽,呢個已經係對我哋運動員好大嘅幫助。」現年25歲的「劍擊花美男」崔浩然,在今屆亞運男子花劍決賽中,僅以1分之微,敗給中國選手黃夢愷,奪得銀牌。


崔浩然早在小學三年級便參加劍擊興趣班,中二加入港隊青年軍代表香港出戰少年賽,中學畢業後便成為全職運動員,2012年憑19歲之齡出戰倫敦奧運,是港隊代表團中最年輕成員。雖然年紀輕輕,但其劍擊生涯戰績彪炳,2013年在全國運動會奪得男子花劍個人賽銅牌,其後在東亞運奪得銅牌和團體金牌;2014年首次參加亞運,贏得團體賽銅牌;2015年在亞洲賽亦贏得團體賽季軍。


勇戰受傷創造歷史

能夠在劍擊運動上發揮所長,崔浩然坦言全因為學校可以讓他在學業與運動生涯並行,故升中時聽從劍擊教練推介,報讀林大輝中學:「我由小學開始打劍擊,到中學見到有咁好,可以畀我哋請假打比賽,可以咩比賽都去晒,所以屋企人都好支持。」他曾在校友會刊物表示:「今天自己能成為全職運動員,證明當初決定是正確。」


對於政府在青少年運動員培訓方面,崔浩然認為政府資源一直有增加,但在青少年運動員兼顧學業方面,應與學校有更多聯繫及提供協助:「我覺得可能有好多青少年運動員要兼顧學業,可能喺選擇嘅時候,有啲人會選擇不如讀書就唔玩運動,又或者因為專注運動令學業做得唔好,所以我覺得政府可以做多啲。」


崔浩然在今屆亞運賽事決賽臨近尾聲時,拉傷右大腿出現肌肉撕裂,至今仍在養傷之中,未能跟隨隊友參與新賽季的首項世界盃比賽,但他卻不認為這是運動生涯的低潮:「我之前無傷但打得好差,咁嗰啲真係低潮,但係而家我攞咗銀牌,同隊友一齊創造咗歷史攞咗(亞運男子花劍團體賽)銀牌,我覺得都係好開心嘅一段時間。」


相關內容:

【獎牌搖籃1】停課不停學 訓練無顧慮 林大輝學生 奪8面亞運獎牌

【獎牌搖籃2】為教育闖新路 為精英撒種子 林大輝:運動發展政府有責

【獎牌搖籃3】學業與運動兩者兼得 保齡神童謝晉軒 首戰亞運奪銀牌

【獎牌搖籃5】運動設施齊備 四成學生校隊成員


相關新聞

熱門新聞