消息 / 推介 / 名家 / 馬見聞

2017年01月17

2016-12-06

星期三晚跑國際騎師錦標賽,編九場提早在6:30開跑,第四、五、七、八場所有騎師都係抽籤配馬,各安天命,當然本地騎師有主場之利,落注考慮最主要仍在馬匹實力及狀態。第四場形勢比較明顯,「首映」、「問鼎高峰」、「聖驛善」三隻對立局面,「首映」三戰沙田一千米直路賽,都無辦法出頭,阿蔡到快活谷試試無可厚非,以呢隻馬的前速,跑質素已經可以開齋,「問鼎高峰」上次輸畀「翩翩」跑第三,而且仲要韁繩脫手,今晚抽到一檔,機會大增,只是考慮高廐再出馬匹經常失準、有戒心。「聖驛善」上次在盲門千二米爆冷,隻老馬仍然有兩腳,事實上今次狀態有過之而無不及,抽到莫雷拉騎,運氣都贏埋。

第六場「綠茵風采」、「君子精神」隻揪局面,前者上場同「翩翩」鬥個你死我活、頸位落敗,有幾多料無必要再詳述,後者今季首仗贏快活谷,再去沙田就輸,快活谷應該是最佳出路,蘇偉賢今季有機會染指練馬師冠軍,馬匹必定拚盡,隻馬今次雖然排外檔,但前次贏馬都係11檔,幕後話無有怕,挑戰前者。

第九場「瑰麗傳奇」一枝獨秀,上次輕鬆贏三個馬位,今場搵腳吧,「包裝騎士」兩勝快活谷千八升班,響二班肯定有得跑,配合「綠茵風采」而來,有挑戰前駒機會,賠率相當不俗。

投注混合過關三串四

第四場Q(4)首映(7)問鼎高峰(9)聖驛善

第六場Q及PQ(1)綠茵風采(4)君子精神

第九場Q及PQ(2)瑰麗傳奇(10)包裝騎士

相關新聞

熱門新聞