消息 / 推介 / 名家 / 馬見聞

2017年01月17

2016-12-10

「新力風」(前) 剛戰擊敗「幸運如意」(紅衫),捧走馬會短途錦標。(香港賽馬會圖片)

周日國際賽,講聲勢非大摩莫屬,連同後備在內,出馬共16匹,而且以大摩嘅谷馬功力,隻隻都校啱哂火喉,上火上力。好難想像大摩嘅馬周日會無表現,跟佢搵食肯定無衰。先講第一場隻「勝利歡星」,「澳斯卡」同老斗,第一次沙田同程已經露了一手,只是今場有隻「京京千里」,賭W有隱憂,買Q較佳。第二場「蓮花巨星」路程正宗,狀態有進無退。

第三場「喜旺寶」腳法上乘,兩次試閘都吸引欄邊客注意,布文周四試課草地,更是讚不絕口。第四場「喜蓮歡星」馬弗,質素稍次。第五場「新力風」全場數一數二嘅弗馬,晨課好似老虎想食人。第六場「佳龍駒」試閘大敗,要去睇醫生,大摩話唔知原因,呢件有戒心。第七場大摩三件,各為其主,講狀態「喜蓮奬星」首屈一指,論質素「步步友」最好,但去完英國之後實力打咗折扣,太熱有戒心,「壯思飛」實力稍次,可博位置。

第八場「威爾頓」又係大摩玩魔術時候,一次好一次包尾,今次應該是「好」,莫雷拉要鬥莫雅隻「滿樂時」。第九場「共創更好」初出,響澳洲贏過二級賽,大摩操呢隻馬完全無保留,盡谷,為了國際賽日而來,手法係無保留。第十場「鷹雄」贏昆士蘭打吡一級賽,「威利熱流」同老斗,準備功夫都做到足。

投注混合過關三串四

第一場Q、PQ(4)京京千里(8)勝利歡星

第三場WP(5)喜旺寶

第五場Q、PQ(2)幸運如意(4)新力風 

相關新聞

熱門新聞