消息 / 推介 / 名家 / 馬見聞

2016-12-16

星期六跑馬,馬迷的印象就是「爆冷」,睇吓今期個排位表,又有爆冷的味道,十場馬每場投注焦點只是集中在那一兩匹馬身上,特別是莫雷拉嗰十匹馬,估計有八匹是大熱門,只要有一半入唔到Q,肯定爆到七彩,相信唔會有馬迷憧憬佢會贏十場,扒冷馬迷動吓腦筋。

第二場「祥勝駿駒」大熱門地位可以肯定,舊馬一眼睇通,無邊隻可以挑戰佢,要攻擊就只有向初出馬埋手,韋達隻「叫關健康」試三次閘都表現速度,韋達又成日當仔咁摸住,有傳韋達延後停賽期就係為咗呢件,幕後好緊張,可以用呢隻殺前者,臨場有飛更妙。

第六場「情趣」隔晚十倍樓上,十月頭先至同隻「旌暉」跑,輸個幾馬位得第二,後者上咗二班再贏,但佢輸咗兩場落咗四班,今場只要交番嗰場八成水準,今場都幾難搵馬同佢跑,隻馬未開齋,韋達面臨一個月停賽期,鬥志無問題,全日冷門最好呢件。

第八場「飛廉之子」好多人都認為隻馬被阿蔡搾乾搾浄,但上場谷草一千,唔多啱腳法返嚟都近,只是輸畀「亞馬寶寶」兩個幾身位跑第五,隻馬未頽,今季蘇偉賢要爭冠軍,的確有料到,呢隻跑得番,入到Q、三重彩都分到笑,諗吓佢。

三隻博冷嘅馬剛巧都係韋達坐騎,小注韋達騎師王。

投注WP混合過關三串四

第二場(8)叫關健康

第六場(1)情趣

第八場(9)飛廉之子

相關新聞

熱門新聞