消息 / 推介 / 名家 / 馬見聞

2016-12-21

有消息講話隻「巴基之星」將會換莫雷拉,27號上陣,對於隻馬及蔡明紹都係好事,隻馬聲勢太強,蔡明紹心理質素駕馭唔到,千夫所指,對隻馬又唔公平,一隻咁好嘅馬如果不趁年輕力壯之時,發展一番功業,有點可惜,就算日後賠率更熱都無所謂,馬迷只是賭少隻,但希望有第二隻「精英大師」出現。

「巴基之星」換人,連帶周四晚隻「巴基小子」都換咗蘇兆輝,後者在上次出賽狀態已經返咗嚟,一直在等機會,終於又畀告仔等到,落四班又跑兩捷的快活谷千二米,呢個是唯一贏馬路程,部署妥當即刻換蘇兆輝,今場搏命都唔使懷疑。

補出馬嘅勝出率高,馬迷已有同感,星期六姚本輝又有隻「迫撃炮」得手,今期告仔、姚本輝又有馬補出,告仔第六場「福勵」,後備馬已經配定吳嘉晉,吳嘉晉是呢匹馬唯一的贏馬騎師,告仔並非無的放矢,隻馬季初跑快活谷已經走個第四,試啱證明合跑快活谷,近期落足心機做嘢,已經有贏馬水準,配合隻「巴基小子」而來,唔好走雞。

姚本輝食過番尋味,「翡翠紅星」今季大熟大勇,兩Q兩W愈贏愈易,仲有幾多響手真係唔知,跑呢個路程2W未輸過,好相信又係有賠率,無人信,隻馬仍然弗到爆燈,追多次。

投注WP混合過關三串四

第四場(2)巴基小子

第六場(2)福勵

第八場(1)翡翠紅星

相關新聞

熱門新聞