消息 / 推介 / 名家 / 馬見聞

2016-12-26

聖誕節後跑馬,傳統智慧,投注外籍騎師有戒心,因為26號跑馬的確曾有騎師宿酒未醒,佳節飲多兩杯在所難免,近兩季已再沒有安排拆禮物日跑馬,對馬迷無影響,騎師又可以盡情歡渡佳節。

今個馬季迄今為止,莫雷拉同乜嘢騎師串Q最多,答案好簡單:潘頓,12條正Q、32條位置Q,今次賽事兩人又旗鼓相當,潘頓11隻、莫雷拉10隻(11隻退出一隻),兩個人假期又留在香港,潘頓妻子身孕需要特別照顧、雷神帶兒子旺角場睇波,兩人都養精蓄銳等待今期11場賽事,兩大高手連場拚搏串Q好正常,第一、七、十場兩人的坐騎實力非常接近,考慮這三場作過關投注。

第一場「欖球鑽石」長期保持狀態,論實力在五班必定有得跑,季初蔡明紹騎只曾敗於「金武士」得第二,今場換番唯一贏馬嘅潘頓,搏命啦。對手首推莫雷拉隻「福之寶」,上次泥地後上有勢,立刻改配莫雷拉,睇幕後好心急,趁弗執番場。

第七場「合拍飛龍」上次泥地千八大勝四個幾馬位,升班無阻力,「奪目商人」潘頓騎呢隻馬3W4P,上名率七成,前駒最大對手,揀隻買WP,睇臨場賠率,冷嗰隻買嗰隻。

第十場「紅運精英」今場四平八穩,坐位望贏,夏佳理愛駒阿蔡又特別緊張,對手「變出美麗」雖然初跑泥地,但狀態巔峰,試泥閘又證明無問題,抽到一檔,大大增加取勝機會,潘頓騎「美麗」系場場搏老命,可以偷雞。

投注Q及PQ混合過關三串四

第一場(3)欖球鑽石(10)福之寶

第七場(2)奪目商人(5)合拍飛龍

第十場(2)變出美麗(12)紅運精彩

相關新聞

熱門新聞