消息 / 推介 / 名家 / 馬見聞

2017-01-17

「勇晉神駒」一心等韋達復出爭連捷。(網上圖片)

韋達在澳洲未盡全力,被罰停賽一個月,老貓燒鬚。今期沙田夜馬復出,有一種猛虎出柙感覺,從佢近日積極操馬,擺明車馬復出立即大搏殺!

第二場霍利時雙龍出海,「勇晉神駒」同「友歡笑」都係泥地健將,但論近績,「勇晉神駒」好過「友歡笑」多多聲。「勇晉神駒」新勝對手三個幾馬位,賽後證明韋達建議增程跑泥地1650米眼光獨到,賽後一直操而不戰,等到韋達復出先再上陣,跑泥地1800米更合腳法,馬房好有信心添食。

第三場「飛龍駒」近排由韋達一手主操,連內圈踱步都自己做埋,從呢點反映到韋達幾咁重視呢隻灰馬仔。睇番「飛龍駒」泥地1200米賽績4冠2亞2季2殿,只係上場用黃皓楠排12檔蝕位,先至首次冇獎金收,今次大摩換人、換配備,鬥志唔使懷疑。

第六場「傾心星」前仗田草1600米偷襲失手,上場即刻走樣。今次換韋達,賽前親操一課,呢個情況響方嘉柏馬房係好罕見。雖然隻馬初跑泥地,但試泥閘表現唔差,轉場絕對唔係講玩。Q拖「紅運精彩」同「電子鳳凰」應該穩陣。

投注混合過關三串四

WP 第二場(6)勇晉神駒 

WP 第三場(4)飛龍駒

Q    第六場(7)傾心星 拖(6)紅運精彩(8)電子鳳凰

相關新聞

熱門新聞