消息 / 推介 / 名家 / 馬見聞

2017-01-21

星期日經典一哩賽對於馬主來說,是一場為眼光、為名譽而緊張的賽事,但對於馬迷只是一場好睇唔好賭之賽事,今場大摩出七隻,以一個圏外人去估大摩這位幾十年馬房經驗者的部署,不切實際,就算最簡單方法:各為其主,七匹馬的實力又如何去「秤」,況且有個無法計算元素,騎師的表現。告仔亦都有四件,情況比大摩簡單,目標肯定在「巴基之星」,呢隻被譽為未來馬王、又肩負馬會拍賣馬的包袱,全力以赴不作他想,只是初次面對香港一眾精英強手,進度是否足夠,尚是疑問。至阿蔡只出一件,決心「一」網打盡,成功的話蔡神仙肯定更上一層樓,論實力「西方快車」上次只是負於「美麗傳承」一條頸位,唔係無得跑。呢場按自己心水落注吧。

今次賽事尚有隻「問題馬」,第六場「幸福加數」潘頓今場仍然再跑,而且要超兩磅,點解唔放手,大家都諗唔明,隻馬兩季以來僅出賽兩次,兩次結果都係「不良於行」,健康好大疑問,上次快活谷瘋狂落飛,大敗十個馬位,究竟潘頓睇到乜嘢而不離不棄,今場潘頓有隻「美麗皇牌」都唔跑,真奇怪。大家不妨細心拆吓呢個局。

如果認為「幸福加數」買得就建議買埋隻「勁有波幅」,改配莫雷拉,拉哥連跳三課,隻馬狀態比季初贏馬個場更弗,咁嘅部署相信呂健威要爭取成績,38次賽事只有8場頭馬,以一個58隻馬嘅大馬房,當然唔滿意,再咁搞落去只會影響軍心,有必要急起直追。

投注混合過關三串四

第四場WP(3)勁有波幅

第六場WP(12)幸福加數

第九場Q / PQ(5)巴基之星(11)西方快車 

相關新聞

熱門新聞