消息 / 推介 / 名家

2016-09-02

馬圈的暑假轉眼就過去,今年的暑假特別短,人要休息、馬要充電,馬匹是否有足夠準備,是季初成敗關鍵,所以在馬匹報名時,有部份場次出馬不足要call馬頂住個場面,以免出現冷場,換言之好多馬匹準備未夠,大家望多兩眼。星期六天文台預測有驟雨及幾陣雷暴,開鑼日又增加了變數,馬季來日方長,不必因為餓馬而場場同佢搏命。

莫雷拉玩轉馬場,今個馬季都唔會變,操馬又勤力、試閘落足心機,開鑼日唔捧佢又捧邊個,執番個頭彩,手足話大摩雖然慢熱,但第二場隻「太皇鷹」就做足功夫嚟跑呢場,莫雷拉單跳隻馬反應強勁,之後大摩又安排試課泥閘,前段落後直路追番嚟有勢,隻馬已經試好咗,由二班落到五班,無態都有得跑,何況大摩無放棄,呢件肯定熱捧對象。

第三場莫雷拉隻「永旺年年」今季另眼相看,馬身比上季粗壯,明顯有進步,絶對唔可以用「唔夠班」去睇佢,其實隻馬仲有幾多無人知,最後試跑拍隻「縱橫大地」話過就過,今場特首杯無乜頂級馬在場,「永旺年年」坐位望贏絶對可以做得到,馬房手足話沈集成對呢隻馬愛不釋手,落足心機。

第七場「勁飛勁」在嘉年華試閘,潘頓㩒住都話贏兩個馬位,譽滿欄邊,點知排位潘頓騎咗隻「要風得鋒」,如果論狀態前者一定好得多,論路程後者有根據,各為其主,季初賭狀態,揀「勁飛勁」作為投注對象,韋達叫座力不如前,應該有賠率。

投注策略:WP混合過關三串四

第二場(2)太皇鷹

第三場(6)永旺年年

第七場(3)勁飛勁

相關新聞

熱門新聞