消息 / 推介 / 名家

2017-01-03

12月11日國際賽日,告東尼贏三場、拆禮物賽蔡約翰3W,大摩白果,元旦日大摩3W,阿蔡只有兩隻跑第三,一般局外人好難解釋大馬房贏馬有A無B的現象,就算去「猜」,結果只能私底下討論,不敢公開,雖然大家都不知道原因,但出現的結果就是如此,掌握到大馬房搏馬的節奏,而其他馬房是否「硬碰」,想窮都難。賭馬除咗馬匹實力、狀態之外,呢條「路」算是一個「貼士」。

星期三唔易玩,各場形勢緊湊,以鬥志揀馬,第一場大摩隻「銀城福星」狀態長期見好,早幾場目標落五班,終於求仁得仁,落班兼換人,一個出擊格局,事實上阿妹上次騎到問話,由冷殺手祈普敦搏殺,順理成章,今場阿蔡有「飛霞」孭吓飛,更合路數。

賀賢由11月中到依家未有頭馬交出,周三晚第二場「英姿茂盛」、第六場「超凡夢想」馬房來料喊殺連天,前者同程搏咗三場第三,莫雷拉唔放棄,證明仍有可爭理由,明顯是想搏贏為止,後者上次臨場瘋狂落飛,結果只是得個第四,幕後人好傷,今場換潘頓,擺明想番本,而且又可以為上仗之失找個借口。呢兩件馬友合心意可WP投注,如果要賭Q,第二場揀「富萬家」、第六場「星光大師」,兩隻狀態弗爆,只是實力稍次。

投注混合過關三串四

第一場WP(1)銀城福星

第二場Q、PQ (2)英姿茂盛(3)富萬家

第六場Q、PQ (8)超凡夢想(12)星光大師 

相關新聞

熱門新聞