消息 / 推介 / 名家

2017年01月23

2017-01-10

「威先生」回師谷草1000米,取勝呼聲高唱入云。(香港賽馬會圖片)

星期日無大冷馬爆,最冷都係阿妹隻「好愉快」123蚊W,但有三隻全熱門及熱門「勇冠多」、「仁愛之星」、「宅大大」位置都無,殺傷力比起爆場冷馬更甚。好相信隻「宅大大」在一般馬迷的投注餐單內會是大熱門,只是臨場票數「軟」,有留意隻馬上次走勢:「如果不是受困,一定贏『有得威』,跑多兩步都贏,後者再出又贏,比對下『宅大大』有幾犀利」,就算無睇賽事片的馬迷,亦都聽到有人講呢場馬,總之參考呢場走位的馬迷全部PK,同樣情況「仁愛之星」如上場不是受阻,又係「贏梗」嘅馬,周日結果大家都知道,跑道上的走勢陷阱,幾乎日日都有,跑馬贏錢唔能夠靠單一元素,賭馬、賭波都應該一場場計,巴塞11人對住9人的畢爾包都可以輸波,好多情況無法解釋,深信「贏梗」,十層樓未夠輸。

第二場「威先生」屬於另類「走勢陷阱」,上場跑沙田外檔狂放,結果輸十幾個馬位,睇見呢十幾個馬已經唔開胃,其實隻馬跑沙田就預咗佢唔得,三場頭馬都是快活一千米,大敗一場就降落四班,報正宗路程,晨操又大力做番嘢,上場的賽績抹去,可以不理,今場好明顯是出撃目標。

大摩「人民武士」上兩次贏馬都是不同場地同路程,大膽嘗試,今次又初跑快活谷,可以從另一角度睇,因為隻馬大超,所以跑任何路程都無難度,不同路程換來更佳賠率,大摩是聰明人。

霍利時今季有料到上文已提及,第一場「超甜橙」未開齋,「橙」系亦好耐無贏馬,睇準備今場去搏命,落班跑形勢大利,追多次。

投注WP混合過關三串四

第一場(1)超甜橙

第二場(6)威先生

第七場(7)人民武士 

相關新聞

熱門新聞