消息 / 推介 / 名家

2017-01-13

「笑春風」(前) 備戰認真,有力一出即勝。(網上圖片)

賽事將接近一半,睇吓練馬師成績表,文家良排在尾五,與鄭俊偉同樣只是得六場頭馬,文家良跑位置多啲。如果要達標,肯定心急,近期文家良好多冷馬上名可見一斑,今期文家良報跑十場,其中第二場後備,咁嘅部署唔搏就奇,而且文廐贏馬少,所以普遍馬匹都有賠率,值博率提高。馬房手足來料文廐周六有三件弗馬,大家可以留意。第二場「笑春風」準備積極,與廐侶「叫關健康」的情況不遑多讓,試三次閘都係由莫雷拉親自處理,前速飛快,三次都贏,所有晨課,除了助手之外就是莫雷拉,好相信早已部署一出即勝,否則肯定走光,以後想冷都難,「活力小駒」同老豆,質素有保證,有買要趁「早」。

第四場「星二快勝」一課比一課好,上場在受阻情況下,與今場的「美麗寶寶」幾乎平排過終點,影相跑第四,後者再出再贏,兩者磅位相距七磅,後者大熱門,相對前者就非常值博。第八場「勇少爺」狀態勇,跑贏馬嘅千四米,但今場對手實在很強,要贏不易,位置機會較大,建議少少W大注P。

第六場「平天下」今次降班跑,根據賽績有虎入羊羣之感,上季尾1.21.83贏「行善積福」絶對不是撞彩,今季初在快活谷十幾倍想偷雞,結果只得個第三,一直等到依家降班跑,肯定有準而來,晨課對辦。

投注WP混合過關三串四

第三場(4)笑春風

第四場(4)星二快勝

第六場(1)平天下 

相關新聞

熱門新聞