消息 / 推介 / 名家

2015-08-10

新馬季即將開鑼,堅料網趁機奉上銀行馬,分為六個種類希望在新季帶挈馬迷獲利。今日先奉上最堅暑期轉倉馬、最堅老馬同最堅從低位反彈馬:


最堅暑期轉倉馬:善勝(74分)

上季於蘇保羅馬房兩度上陣均揀谷草1200米,初出有意外下仍所負不遠,再出不敵開竅的「中華寶貝」雖然被技術性擊倒,但本身走勢相當稚嫰,轉彎時更一度波勾,最後能保住Q腳已屬高難度動作,暑期由蘇保羅轉投高伯新,早已開操預計成熟程度會更進一步,在現時評分應至少有兩W在手,未跑過田草之馬在大場發揮可能更佳,值得長期追捧。


最堅老馬:會心微笑(41分)

在香港流水作業式的賽馬制度中,踏入7歲之馬已可作老馬看待,其中方嘉柏的「會心微笑」剛在暑期由六轉七歲,上季雖然未能贏馬,但全季15戰仍能三度上名,包括在評56分時兩度於田草千六米分獲亞季,及上季尾評45分再於此程狂放下入位,新季評41分起步輸兩場便可落五班角逐,方嘉柏肯保留必然有計,部署得好的話可謀兩W。


最堅低位反彈馬: 驪龍(28分)

通常一季減幅超過20分嘅馬,多數係全季無表現,但係發叔劉皇發名下「驪龍」上季初48分贏過馬,雖然季中轉投李易達後似乎跑唔番,但換來今季可以在28分起步,只要跑回上季贏馬打個八折水準,已經可以大幅反彈,死路程泥地一哩最正宗,不過本身要排外檔較利發揮,捧場之道除要留意檔位外亦要注意泥地場地是否利外叠才定取捨。


相關新聞

熱門新聞