消息 / 推介 / 名家 / 奧運

2017-01-04

熱刺(白衫) 主場迎戰車路士,雙方可望爭取較多入球。(網上圖片)

(堅訊) 今晚英超上演獨腳戲,由熱刺主場出戰車路士,今場可以話係榜首大戰,車仔暫時以19戰49分,坐住英超一哥位置,而熱刺39分排第5,大家都期待睇吓車仔可唔可以作客打低熱刺,做到英超14連勝?

車仔近況真係弗爆,不過作客熱刺往績冇乜優勢,前季同上季車仔作客白鹿徑,分別輸3:5同0:0打和,所以足智彩開平手盤,而兩隊水位差唔多,證明專家都認為今場係五五波!

車仔陣容完整,至於熱刺有維頓漢同基爾獲加停賽復出,而中場悍將雲耶馬,因為肯雅未能出線非國盃決賽周,可以留英出戰。睇番車仔近兩場入7球,而上場對史篤城失2球,後防唔算穩陣,而熱刺近4場全部開大,入13球失3球,只有對侯城可以全身而退,至於兩隊近6次交手有4次開大,今場期望再演入球騷!

星期三 (3) 熱刺對車路士 (入球大2.5球 1.85倍)

相關新聞

熱門新聞